Дидие Дрогба вели дека било тешко да се игра фудбал по фаталниот инцидент кој им се случи на селекцијата на Того.

Синоќа Брегот на Слоновата Коска лошо го стартуваше Африканскиот Куп на Нации.

Слоновите одиграа 0-0 против Буркина Фасо која важеше за тотален аутсајдер во овој натпревар.

Дрогба вели дека тој и неговите соиграчи биле погодени од инцидентот на селекцијата на Того, и тешко им било комплетно да се фокусираат на натпреварот.

"Ова беше тежок старт. По она што се случи пред неколку дена, тешко беше да се сконцентрираме на натпреварот" - изјави Дрогба.

"Не забораваме што му се случи на Того, но сега натпреварувањето стартуваше и се обидуваме да се фокусираме на натпреварите".

"Дадовме се од себе, но Буркина Фасо играше како да имаат 10 играчи во одбраната" - заврши Дрогба.

Powered by: 24 FUDBAL.com.mk