СП 2014 | Младата аргентинска спортска новинарка, Марија Соледад Фернандез загинала во сообраќајна несреќа по враќањето од натпреварот помеѓу Аргентина и Швајцарија...



Возачот на тричлената аргентинска новинарска екипа која се враќала од Сао Паоло каде се играл натпреварот, загубил контрола над возилото и слетал во провалија.

26-годишната Марија Соледад Фернандез испаднала од возилото и починала на лице место, нејзините колеги кои останале во автомобилот се здобиле со повреди, но се надвор од животна опасност.

Поради смртта на новинарката, аргентинската репрезентација ја откажа последната прес конференција.

„Таа беше млада девојка, полна со живот. Фудбалерите и стручниот штаб ја почитуваа нејзе и нејзината работа. Сите сме во шок, многу тешко ја примивме информацијата за нејзината смрт која се случи многу кратко откако се разделивме по натпреварот со Швајцарија" - изјави генералниот секретар на аргентинската федерација.

Марија Соледад Фернандез била новинарка на ТВ станицата Директ ТВ Спортс, нејзиниот татко кој е угледен новинар во Аргентина, Мигуел Фернандез, заедно со нив требал да патува по натпреварот, но се откажал во последен момент.

Извор: 24FUDBAL.com.mk