Македонија | Металург му гостува на Санта Колома од Андора, додека Хоризонт Турново е домаќин на Чикура од Грузија...



По победата на Шкендија над Зимбру од 2-1, денеска и останатите два македонски претставници ги започнуваат своите европски авантури квалификациите за Лига Европа.

Металург а апсолутен фаворит во дуелот со Санта Колома од Андора, тимот предводен од Срѓан Захариевски цели кон победа уште на првиот натпревар.

И покрај тоа што составот претрпе големи промени, дури девет фудбалери го напуштија Металург, очекувањата се дека нашиот претставник ќе ја помине првата пречка, а во второто коло ќе се сретне со победникот од дуелот помеѓу Ловќен и Железничар.

Потешка задача ќе има Хоризонт Турново кој денес на Филип Втори Арената го игра првиот натпревар против грузискиот претставник Чикура.

Доколку Турновци го поминат својот противник, во второто коло ќе играат против Бурсаспор од Турција.

И двата натпревари започнуваат во 18:00 часот.

Извор: 24FUDBAL.com.mk