МЕНИ

Англија | Според пишувањата на медиумите од Шпанија и Англија, преставници на Барселона и Ливерпул денеска ќе ги започнат преговорите за преселба на Луис Суарез на Камп Ноу...

Барселона и Ливерпул официјално ги започнуваат преговорите за трансфер на Луис Суарез.

Делегација на ’Каталонците’, на чело со директорот за фудбал, Раул Санљехи денеска во Лондон ќе има средба со преставници на ’Црвените’, кои ќе бидат предводени од оперативниот директор Иан Ер.

Според пишувањата на медиумите, Ливерпул ќе му дозволи на играчот да замине само доколку бидат задоволени нивните барања, односно биде платена откупната клаузуа во неговиот договор.

И покрај тоа што Луис Суарез ќе ги пропушти првите два ипол месеци од новата сезона, ’Црвените’ инсистираат на сума помеѓу 70 и 80 милиони фунти.

Барселона во овој момент не е подготвена да плати толку, ’Каталонците’ се спремни да одвојат околу 60 милиони фунти.

Алексис Санчез најверојатно ќе биде вметнат во зделката со цел да се намалат разликите помеѓу двете страни.

Менаџерот на Ливерпул, Брендан Роџерс е голем фан на Чилеанецот, кој се проценува на 30 милиони фунти.

Ваквиот развој на настаните следува по соопштението на Луис Суарез во понеделникот, со кое напаѓачот му се извини на Џорџо Киелини за инцидентот на средбата помеѓу Уругвај и Италија.

Медиумите говореа дека Барселона побарала од Луис Суарез јавно извинување пред тие да се обидат да стигнат до неговите услуги.