СП 2014 | По 120 минути игра Белгија со 2-1 ја победи селекцијата на САД во еден возбудлив натпревар во кој главниот лик беше голманот на Американците, Тим Хауард...
Фантастичниот Хауард на голот на САД не беше доволен да се изненади фаворитот, Белгија сосема заслужено патува меѓу осумте најдобри.
Белгијците доминираа на теренот, вршеа притисок во бранови, создаваа шанси, но тешко беше да се протне топката во мрежата на Хауард.
И Американците имаа свои шанси, главно преку Клинт Демпси, но натпреварот во регуларниот дел заврши без победник.
На самиот почеток од продолженија Кевин Де Брујн погоди за водство на Белгија од 1-0, а пред крајот на првото продолжение Лукаку реализираше за предност и од 2-0.
Во 107. минута нововлезениот Грин постигнува погодок за САД, за интересна завршница на натпреварот.
До крајот Американците можеа многу лесно да дојдат до изедначување и да го однесат натпреварот во пенал серија, но не успеаа да реализираат неколку убави прилики.
САД предводена од Клинсман се покажа како одличен учесник на светското првенство поминувајќи група во која беше и селекција како Португалија.
Белгија е фаворит од сенка на ова светско првенство, селекција со голем потенција, во 1/4 финалето Аргентина ќе биде вистински тест за нивните можности.
Извор: 24FUDBAL.com.mk
