МЕНИ

Германија | Германија дури по продолежнијата успеа да ја совлада селекцијата на Алжир која му пружи силен отпор на фаворитот но на крајот не успеа да направи и комплетно изненадување...

Германците на мускули до пласман меѓу осумте најдобри, натпреварот против Алжир го добија со 2-1 но дури по продолженијата.

Честитки за селекцијата на Алжир која одигра максимално борбен натпревар, имаше повеќе шанси за гол, особено во првото полувреме, но не успеа да го најде патот до мрежата на Нојер.

Регуларните 90 минути беа динамични, по едно полувреме им припадна и на двете екипи, натпреварот беше исполнет со возбудувања, но немаше погодоци.

Се премина во двете дополнителни продолженија, а таму на самиот старт, Шурле со мајсторски потег носи голема радост и олеснување за Германија, водство од 1-0.

Уморот и кај двете екипи беше и повеќе од видлив, фудбалерите тешко се движеа по теренот, но до крајот видовме уште два гола.

Најпрво Озил во 120. минута ја погоди мрежата на Алжир, а веќе во следниот напад Алжирците преку Џабу постигнаа заслужен почесен погодок.

На крајот Германија заслужено се пласира во 1/4 финалето, а Алжир може да биде горд на својот настап на светското првенство.

Во 1/4 финалето Германија ја очекува европска дерби пресметка против Франција.