МЕНИ

Англија | Италијанските медиуми пишуваат дека Наполи го нуди Пандев и плус 12 милиони евра за услугите на фудбалерот на Саутемптон, Морган Шнејдерлин...

Македонскиот интернационалец би можел кариерата да ја продолжи во Премиер лигата доколку Саутемптон ја прифати понудата на Наполи.

Рафа Бенитез нема да смета на услугите на Пандев за следната сезона, па нашиот играч е во потрага по нова средина.

Шнејдерлин кој е дел од составот на француската репрезентација на светското првенство, е мета на Наполи, но Саутемптон не се откажува лесно.

„Саутемптон ја знае мојата позиција и знае дека сакам да си одам. Имав добра конверзација со сите директори" - вели 24 годишниот фудбалер.

„Тука сум долго време. Ќе видиме што ќе се случи, но директорите ја знаат мојата позиција".

„Сите имаат амбиции, сите имаат своја иднина, па ќе видиме. Секој фудбалер сака да напредува, да игра во големи натпреварувања".

Англиските медиуми пишуваат дека Арсенал и Тотенхем се во трка за Шнејдерлин, но Tuttosport уверува дека Наполи е на вистинската патека за негов ангажман.

Наполи понудиле 12 милиони евра плус Горан Пандев.