СП 2014 | Селекцијата на Алжир се избори за реми од 1-1 против Русија, резултат кој им донесе дуел со Германија во осмина-финалето на светското првенство...
Во четвртиот обид, Алжирците конечно успеаа да ја поминат групата и да се пласираат во нок-аут фазата.
Избраниците на Халихоџиќ вчера одиграа нерешено против Русија, резултат доволен за второто место во групата и дуел со Германија во осмина-финалето.
’Зборнајата’ добро го започна мечот и поведе по само шест минути игра. Комбаров нафрли од левата страна, Кокорино одлично скокна и од 11 метри со глава биеше неодбранливо во аголот.
Но по еден час игра, Алжирците изедначија. По еден корнер од левата страна, Слимани беше највисок во скокот и ја затресе мрежата на Русија.
Вина за голот носи и голманот Акинфеев, кој лошо го процени летот на топката, целосно ја промаши и му ја олесни задачата на напаѓачот на Алжир. Ова беше втор негов голем кикс на мундијалот, иако можеби малку му посметаа фановите кои со ласер му света во лице.
На вториот натпревар од Групата Х, Белгија со триумф над Јужна Кореја само го потврди првото место.
И покрај тоа што ’Црвените Ѓаволи’ останаа со играч помалку во завршните мигови од првиот дел, со голот на Вертонген во 78. минута забележаа нов триумф за 100% учиник во групната фаза.
Со овие две средби се комплетираше групната фаза на мундијалот во Бразил, сега на ред се дуелите од осмина-финалето.
Натпреварите Бразил-Чиле и Колумбија-Уругвај се играат во сабота, ден потоа се дуелите Холандија-Мексико и Коста Рика-Грција.
Во понеделник Франција се среќава со Нигерија а Германија со Алжир.
Последните четврт-финални дуели со во вториник, Аргентина игра против Швајцарија, а Белгија против САД.
Извор: 24FUDBAL.com.mk
