Англија | ’Црвените Ѓаволи’ во скоро време ќе го потврдат вторто големо засилување во летниот преоден рок, на Олд Трафорд пристигнува перспективниот лев бек Лук Шо...
Вчера, Манчестер Јунајтед го потврди трансферот на Андер Ерера за 36 милиони евра од Атлетик Билбао, а во скоро време ќе пристигнат информации за уште еден голем трансфер.
Медиумите од ’Островото’ пренесуваат дека Лук Шо вчера во вечерните часови ги поминал лекарските прегледи со најтрофејниот клуб од Англија.
’Црвените Ѓаволи’ неколку месеци се обидуваат да стигнат до талентираниот лев бек, во мај понудија околу 33 милиони евра, но Саутемптон го одби предлогот.
Се верува дека двата клуба сега постигнале согласност за зделка вредна помеѓу 35 и 40 милиони евра, со што 18 годишниот репрезентативец на Англија ќе стане најскапиот тинејџер.
Извор: 24FUDBAL.com.mk
