СП 2014 | Братот и агент на Џердан Шакири во моментов е во Англија каде што треба да го договори трансферот на швајцарскиот репрезентативец од Баерн Минхен во Ливерпул...



Џердан Шакири синоќа имаше одличен натпревар постигнувајќи хет-трик со кој и донесе победа на Швајцарија од 3-0 над Хондурас.

Не помина многу, а почнаа нови трансфер стории кои го поврзуваат Шакири со заминување од Баерн Минхен.

Еден од најпознатите новинари во Европа кога станува збор за трансферите е Џанлука Ди Марцио, тој на својот блог напиша:

„Швајцарскиот фудбалер кој постигна три гола денес на светското првенство, се поврзува со Милан и Рома, но Ливерпул има предност пред останатите тимови".

„Братот на Шакири кој е и негов агент, во моментов е во Англија на средба со раководството на Ливерпул и разговор за економските детали од договорот".

„Неговото заминување од Баерн Минхен е многу веројатно, Шакири е пред трансфер во Премиер лигата".

Извор: 24FUDBAL.com.mk