МЕНИ

СП 2014 | Швајцарија со убедливи 3-0 ја совлада селекцијата на Хондурас и обезбеди место меѓу најдобрите 16, Шакири беше јунакот на Швајцарците постигнувајќи ги сите три гола...

Швајцарија на крилјата на Џердан Шакири се пласира во 1/8 финалето на светското првенство, фудбалерот на Баерн Минхен ги постигна сите три погодоци во победата од 3-0.

Првиот погодок беше во 6. минута со прекрасен удар од далечина, еден од најубавите погодоци во досегашниот дел од првенството.

Хондурас се отвори, а тоа го користеа Швајцарците, во 31. минута по еден контра напад, Шакири зголеми на 2-0, а хет-трикот го завери на сличен начин во 71. минута.

Хондурас не беше лош противник, напротив, одигра одлично второто полувреме, создаде многу шанси за гол, но не успеа да ја затресе мрежата на противникот.

Во вториот натпревар Франција и Еквадор одиграа без голови 0-0.

Франција ја имаше иницијативата во текот на целиот натпревар а 40 минути играше и со играч повеќе откако Валенсија престрого заработи директен црвен картон.

Французите создаваа шанси, но беа лоши во завршницата, па му дозволија на голманот Домингез да се истакне.

Франција со 7 бода ја завршува групната фаза на првата позиција и во 1/8 финалето ќе игра против Нигерија, Швајцарија ќе се сретне со Аргентина.