МЕНИ

СП 2014 | Селекторот на БСК, Сабри Ламуши по елиминацијата на неговата репрезентација од светското првенство изјави дека нема да ја продолжи соработката со Слоновите...

Ламуши не е повеќе селектор на Брегот на Слоновата Коска

И селекторот на БСК, Сабри Ламуши си поднесе оставка по елиминацијата на неговата репрезентација од светското првенство.

Со гол од пенал во судиското продолжение, Слоновите со 2-1 беа поразени од Грција и елиминирани од светското првенство.

Со завршувањето на светското првенство, завршува и соработката помеѓу францускиот стратег, Ламуши и Брегот на Слоновата Коска.

„Мојот договор доаѓа до крајот по ова светско првенство, и нема причина да биде продолжен, можете да разберете зошто" - изјави Ламуши.

„Логично е, не остваривме добар резултат ниту на Африканскиот куп минатата година, ниту на светското првенство сега".

„Потрошив многу време и дадов голем напор во изминатите две години, но за жал мојата приказна со Брегот на Слоновата Коска завршува сега".

„Многу сум разочаран и тажен, и за фудбалерите и луѓето од Брегот на Слоновата Коска. Како и да е, мојата кариера продолжува, ќе има и други порази, но сакав оваа авантура да завршеше на друг начин".