СП 2014 | Поради инцидентот со Џорџо Киелини во кој Луис Суарез го гризна дефанзивецот на Италија, светската куќа на фудбалот отвори дисциплинска постапка против напаѓачот...
Репрезентативецот на Уругвај помина неказнет бидејќи судијата не го забележа неговиот потег, но откако беа прегледани снимките, ФИФА покрена дисциплинска постапка.
„ФИФА може да соопшти дека е отворена дисциплинска постакпа против Луис СУарез од Уругвај поради прекршување на членот 48 и/или членот 57 од дисциплинскиот правнилник на ФИФА за време на натпреварот помеѓу Италија и Уругвај одигран на СП 2014, на 24. јуни” – гласеше известувањето на светската куќа на фудбалот.
„Играчот и/или Фудбалската Федерација на Уругвај можат до 25. јуни, 17 часот по бразилско време (22 часот по наше) да дадат изјава или да достават докази за кои веруваат дека се важни”.
Ова не е прв пат Луис Суарез да гризне противнички фудбалер, напаѓачот истото го има направено и во дресот на Ајакс и Ливерпул.
За тие два инциденти тој доби драстични казни, а се очекува и сега да добие голема суспензија.
Максималната казна што светската куќа на фудбалот може да му ја изрече е 24 натпревари суспензија или забрана за настап во дресот на Уругвај од две години.
Извор: 24FUDBAL.com.mk
