Шпанија | Според beIN Sports France, Радамел Фалкао се договорил со Реал Мадрид и по крајот на светското првенство ќе пристигне потврда за трансферот на напаѓачот на Сантијаго Бернабеу...



Репрезентативецот на Колумбија минатото лето направи мега трансфер во Монако, но уште тогаш се шпекулираше дека тој нема долго да остане во малото кнежевство.
 
И покрај тоа што Радамел Фалкао често инсистираше дека верува во проектот на Монако и ќе остане на Стадионот Луј Втори, медиумите често пишуваа за неговата иднина.
 
Ова лето играчот одново се поврзува со заминување од Монако, а според beIN Sports France, напаѓачот веќе се договорил со Реал Мадрид.
 
Извештаите велат дека на негова адреса пристигнале неколку понуди, но тој на својот агент Жорге Мендес му дал инструкции да преговара само со ’Кралевите’ бидејќи сонувал за настап на Сантијаго Бернабеу.
 
Се говори дека зделката ќе биде финализирана по крајот на светското првенство, кога ќе пристигне и официјална потврда.

Извор: 24FUDBAL.com.mk