СП 2014 | Интересен натпревар со повеќе шанси и три гола одиграа Еквадор и Хондурас, Јужноамериканците славеа со 2-1...



Победа им беше потребна и на двете репрезентации со цел да ги задржат шансите за пласман во 1/8 финалето.

Желбата за победа беше видлива и на двете страни, Еквадор и Хондурас одиграа одличен натпревар со повеќе шанси и три гола.

Хондурас поведе во 31. минута со гол на Костли, но само три минути подоцна Енер Валенсија го израмни резултатот на 1-1.

Енер Валенсија беше клучниот играч на Еквадор на овој натпревар, тој беше стрелец и на голот за победа во 65. минута.

Со оваа победа Еквадор сам си ја решава судбината, потребна им е победа против Франција, што е тешка мисија.

Иако е без бодови, и Хондурас не е официјално елиминиран, доколку ја победат Швајцарија, а Еквадор загуби од Франција, имаат теоретски шанси и за второто место.

Извор: 24FUDBAL.com.mk