МЕНИ

СП 2014 | Во вториот натпревар од Групата Ц, Јапонија и Грција одиграа 0-0 и останаа во игра за второто место и пласман во четврт-финалето...

Двете репрезентации загубија на воведните натпревари, па нов пораз ќе значеше збогување од мундијалот во Бразил.

Очигледно ова влијаеше врз играчите на Јапонија и Грција, кои мирно го започнаа натпреварот и неа беа премногу желни за надигрување.

Во овој период најдобрите потези ги направи Осако, кој во два наврати се обиде да ја затресе мрежата на Грција.

Напаѓачот најпрво биеше по земја, удар кој Карнезис го одбрани без проблем, а потоа се обиде да ја пласира топката на подалечната статива, но неговиот обид заврши само покрај голот.

На седум минути пред крајот на полувремето, Катсуранис заработи втор жолт картон и исклучувања, па Грција, која и онака не напаѓаше премногу, дополнително се затвори во продолжението од натпреварот.

И покрај тоа што во вториот дел Јапонија имаше играч повеќе ’Самоураите’ тешко го наоѓаа патот до мрежата на Грција.

Најзрелата шанса за гол ја имаше Окубо во 68. минута. Кагава одлично го уфрли Учида по десната страна, кој ја протна топката во срцето на петерецот, но напаѓачот биеше многу непрецизно и високо над голот.

Неколку минути подоцна Учида се најде во прилика за гол по едно невнимание на Папастатопулос, кој место да расчисти се реши да дрибла во петерецот, но обидот на десниот бек на Јапонија заврши крај голот.

Овој резултат ги остава двете репрезентации во игра за место во четврт-финалето, но за да имаат шанси за тоа, Јапонија ќе треба да слави во дуелот со Колумбија, а Грција против БСК.