Евертон беше блиску до победа на Емирати, но Арсенал во финишот од натпреварот успеа да избегне пораз.

Арсенал имаше убава шанса со победа против Евертон да се доближи на само бод до лидерот на табелата, тимот на Челзи.

Топџиите не успеаа да ја оправдаат улогата на фаворит и да ги освојат трите бода.

Евертон одигра одличен натпревар, Карамелите два пати имаа водство но Арсенал успеваше да израмни.

Лион Осман во 12та минута го отвори натпреварот, му донесе водство на Евертон од 1-0.

Во 28та минута Денилсон со помош на еден од одбрамбените фудбалери на Евертон успеа да го израмни резултатот.

Во второто полувреме Арсенал се обидуваше да направи и комплетен пресврт.

Нападите на Топџиите ги искористи Евертон и со брза контра во 81та минута Пиенар со одличен лоб удар го совлада Алмунија за ново водство на гостите.

Во 90та минута Томаш Росицки постигнува гол за конечни 2-2.

До крајот на натпреварот домаќините се обидуваа да постигнат уште еден гол но не успеаа да направат и комплетен пресврт.

Powered by: 24 FUDBAL.com.mk