СП 2014 | Хрватска со убедливи 4-0 лесно ја совлада селекцијата на Камерун и во последното коло во директен дуел со Мексико ќе решава за пласман во следната фаза...



По 12 години Хрватска конечно победи на светско првенство, Хрватите со 4-0 го совладаа тимот на Камерун.

По несреќниот пораз од Бразил пропратен со контроверзни ситуации, Коцкастите овој пат го покажаа својот потенцијал.

Хрватска беше надмоќна во текот на целиот дуел, особено по исклучувањето на Сонг пред крајот на првото полувреме, играчот на Барса доби директен црвен картон откако несфатливо, без топка, го удри Манџукиќ.

Хрватите поведоа со гол на Олиќ во 11. минута, на самиот почеток од вториот дел Перишиќ зголеми на 2-0, а до крајот со два гола на Манџукиќ беше докрајчен противникот.

По овој пораз Камерун ги загуби сите шанси за пласман во 1/8 финалето, Хрватска ќе мора да го победи Мексико во последното коло за пласман во следната фаза.

Извор: 24FUDBAL.com.mk