СП 2014 | Голманот на португалската репрезентација, Бето вели дека Кристијано Роналдо е комплетно подготвен за натпреварот против САД...



Роналдо имаше проблеми со повреди, но ѕвездата на португалскиот состав го одигра натпреварот против Германија.

На тој дуел Португалците доживеаа дебакл, па сега пред нив е натпреварот против САД кој мора да го добијат.

Имаше информации кои велеа дека Роналдо пред време го завршил синоќешниот тренинг, но Бето го демантира тоа.

„Роналдо не го заврши тренингот пред време. Заврши заедно со сите нас" - изјави Бето.

„Кристијано е 100% подготвен за настап. На секој меч на кој стартува, тој е комплетно подготвен".

„Го сака фудбалот, но неговото тело му е најважно, да биде фит, да биде здрав, па кога ќе стартува на некој натпревар, значи дека е комплетно подготвен за него".

Бето верува дека Португалија може да ја победи селекцијата на САД која имаше одличен натпревар во првото коло.

„Најдобрата верзија на Португалија може да го победи САД. Ги почитуваме нив како многу добар тим".

„Напредуваа во изминатите неколку години, имаме почит кон нив, но веруваме во себе, веруваме во нашата работа и нашиот квалитет, па мораме да бидеме одговорни".

„Треба да бидеме најдобро подготвени за овој дуел и јас верувам во тоа".

Извор: 24FUDBAL.com.mk