СП 2014 | Селекторот на Хрватска, Нико Ковач е сосема задоволен од прикажаното на неговите фудбалери против Камерун, вели дека нивниот противник можел и полошо да победи...



Хрватска со убедливи 4-0 ја победи селекцијата на Камерун и освои три значајни бода на светското првенство.

„На почетокот од натпреварот не бевме на нашето најдобро ниво, во првите десет минути Камерун креираше некои шанси" - изјави Ковач.

„Но потоа го најдовме ритамот. Олиќ го постигна погодокот и натпреварот се отвори за нас. Можевме да постигнеме и повеќе голови".

„Можам само да им честитам на моите фудбалери. Победија во многу тешки услови. Беше тешко да се седи или да се стои, па да не збориме како е да се трча на теренот".

За да се пласира во 1/8 финалето Хрватска мора да го победи Мексико на кој му одговара и бод од тој натпревар.

„Натпреварот против Мексико ќе биде како финале. Сега треба да се одмориме малку, бидејќи пред нас е сериозен противник. Мексико е силен, но силни сме и ние".

„Играчите на Мексико се големи патриоти, исто како и ние, имаат и голем тимски дух. Играат агресивен фудбал со многу пресинг. Имаат силен напад, но исто така имаат и слабости во дефанзивата, како што ни покажа Бразил".

Извор: 24FUDBAL.com.mk