СП 2014 | Голманот на Мексико, Гилермо Очоа кој синоќа импресионираше со својата фантастична партија против Бразил, е слободен за трансфер...



Гилермо Очоа синоќа беше во центарот на вниманието откако со неколку импресивни одбрани го оневозможи Бразил да постигне гол и му донесе реми на Мексико.

28-годишниот голман никогаш во својата кариера не бранел за голем клуб, па беше релативно непознат за пошироката јавност.

Од 2011 година до крајот на минатата сезона, Очоа го носеше дресот на Ајачио од кој ова лето ќе замине како слободен играч.

Мексиканецот со импресивни одбрани во дресот на францускиот клуб уште минатото лето беше интересен за екипи како Галатасарај и Севиља, но тогаш Ајачио одби да го продаде и по цена да го загуби бесплатно следната сезона.

Сега мексиканскиот голман е слободен и само неколку часа по неговото маестрално издание почнаа шпекулациите за неговата иднина, англиските медиуми веќе го поврзаа со Арсенал и Ливерпул.

Очоа импресионираше со неговата сигурност и фантастичните интервенции, останува да видиме која ќе биде неговата следна дестинација, но едно е сигурно, ќе брани во клуб многу поголем од Ајачио.

Извор: 24FUDBAL.com.mk