СП 2014 | Напаѓачот на Германија, Лукас Подолски, високата победа од 4-0 над Португалија му ја посвети на неговиот сонародник и пријател, Михаел Шумахер...



Неколку часа пред натпреварот помеѓу Германија и Португалија, излегоа вестите дека Михаел Шумахер се пробудил од кома и ја напушти болницата во Гренобл.

Подолски вели дека добрата вест имала позитивно влијание врз фудбалерите на Германија и победата му ја посветуваат нему.

„Шумахер ми добар пријател и за сите нас беше важно да ги слушнеме вестите дека тој се разбудил од кома и ја напуштил болницата. Тој се опоравува добро и неговата состојба се подобрува, тоа се многу важни вести" - вели Подолски.

„Се разбира дека таквите вести ни помогнаа. Кога ќе слушнете такви вести за ваш пријател, тоа секогаш ви дава посебен мотив, бев многу среќен кога слушнав".

„На крајот, ова беше победа за него. И доколку го освоиме светското првенство и тоа ќе биде за нашиот добар пријател".

„Шумахер е добар пријател, добар човек кој исто така е луд по фудбал".

Извор: 24FUDBAL.com.mk