МЕНИ

СП 2014 | Чиле ја оправда улогата на фаворит во дуелот со Австралија и потешко од очекувањата дојде до трите бода победувајќи со 3-1...

Со огромна поддршка од публиката и поради квалитетот на тимот, Чиле влезе како голем фаворит во натпреварот против Австралија.

Чилеанците започнаа фуриозно, па веќе во 14. минута резултатот беше 2-0, а имаа и неколку пропуштени шанси за гол.

По една мешаница Алекси Санчез го отвори резултатот во 12. минута, а две минути подоцна Валдивиа постигна убав гол.

Но како одминуваше времето, Австралија играше се подобро, Кенгурите стануваа рамноправни, а во 35. минута Кејхил го намали резултатот на 2-1.

Многу лесно можеше да се случи израмнување, но Чиле на голот го имаше расположениот Браво кој со неколку убави интервенции спречи ново тресење на неговата мрежа.

Конечните 3-1 ги постави Босежур со погодок во судиското продолженија од натпреварот.

На крајот Чиле се радуваше на очекуваната победа, Австралија може да жали бидејќи не беше далеку од поволен резултат.

По првите натпревари во групата Б, Холандија и Чиле се први со по еден триумф, Шпанија и Австралија немаат бодови.