СП 2014 | Дефанзивецот на Хрватска, Дејан Ловрен исто како и неговиот селектор, е бесен на судиската одлука да биде досуден пенал за бразилската репрезентација...



Хрватска имаше водство од 1-0 против Бразил, домаќините успеаа да израмнат и на паузата се замина со нерешен резултат. Во второто полувреме Коцкастите беа рамноправни, Бразил не создаваше шанси, но доби пенал во 71. минута преку кој го сврте резултатот.
 
Ловрен имаше контакт со Фред, судијата Нашимура оцени дека тоа е најстрога казна, одлука на која ги разгневи Хрватите.
 
„Премногу сум тажен, сакам да заплачам. Сите го видоа тоа, ова е скандал за ФИФА" - изјави Ловрен по натпреварот.
 
„Зборуваме за почит, луѓето од ФИФА ни зборуваат нам за тоа, и што се случува? Подобро е трофејот веднаш да им го дадат на Бразилците".
 
„Мислам дека одигравме добар натпревар и бевме рамноправни со Бразил, но не можевме против 12 луѓе".
 
„Во соблекувалната ги гледавме снимките кои само ни го потврдија тоа што го мислевме".

Извор: 24FUDBAL.com.mk