СП 2014 | Селекторот на Бразил, Луис Фелипе Сколари вели дека пеналот врз Фред бил чист и победата на неговата селекција е сосема регуларна...



Бразил со сомнително досуден пенал успеа да направи пресврт во дуелот против Хрватска и на крајот да дојде до победа.
 
Коцкастите се бесни на судиската одлука, селекторот Нико Ковач смета дека неговата селекција е ограбена.
 
Луис Фелипе Сколари не се сложува со нападите на Хрватите, вели дека пеналот бил чист.
 
„Судијата виде пенал. Ни досуди пенал, тој е оној кој ги носи одлуките" - вели Сколари.
 
„И ние исто така сметаме дека имаше пенал. Нема да зборувам за тоа што изјавиле другите тренери. Го разбирам колегата, можеби и јас ќе бев лут доколку го загубев натпреварот".
 
„Не гледам дека ни помогнале судиите. Победата е чиста".
 
„Нејмар ја зема наградата за најдобар на натпреварот, но доколку имаше втора таква награда, сигурно ќе одеше кај Оскар".
 
„Оскар е добро момче. Пред натпреварот отидов кај него и му кажав дека сеуште ми должи гол и дека денес е денот, по натпреварот тој дојде кај мене и ми кажа дека ми се одолжил".

Извор: 24FUDBAL.com.mk