Во пресрет на утрешниот дуел со Сиена, стратегот на Интер, Жозе Мурињо останува уверен во успех и покрај големите проблеми со кои се соочуваат Нероаѕурите

Во сабота првопласираниот Интер ја пречекува последно пласираната Сиена но Мурињо предупредува дека дуелот нема да биде лесен со оглед на проблемите со кои се соочува шампионот на Италија.

“Ова не е лесен момент за нас.” – рече Мурињо. “Имаме многу играчи кои се надвор од стројот.”

“Но залагањето на сите оние што дојдоа во првиот тим секогаш биле позитивни и тоа ни дава самодоверба.”

“Се соочуваме со проблеми но и пред дуелот со Киево имавме проблеми а на крајот победивме.”

“Утре ќе играме на домашен терен, ќе имаме повеќе фанови со нас и веруваме во успех.”

Утрешниот дуел исто така ќе биде и натпревар на најдобриот напад против најлошата одбрана но Мурињо не очекува лесен натпревар.

“Се сеќавам минатата година, лидерот Интер против последниот Торино. Заврши 1-1. Загубивме два бода а лесно можеше на крајот да бидат и три. Ова се тешки комлицирани натпревари.”

“Очекувам тежок натпревар и ќе биде потребно да одиграме многу, многу добро. Сакам да го гледам дуелот Јувентус-Милан на ист начин како што го гледав Парма Јувентус: смирено и без притисок.”

“Но каков и да биде резултатот на утрешниот натпревар знаеме дека ќе бидеме на врвот на табелата и ми се допаѓа таа ситуација.”

По повредата на Киву, Мурињо се соочува со мали проблеми околу левата бековска позиција, каде што најверојатно ќе настапи капитенот Хавиер Занети а стратегот на Интер открива дека се шалел со новото засилување Горан Пандев на кого му рекол дека најверојатно ќе игра како лев бек.

“Утре нема да имаме лев бек но ќе ги имае Занети и Самуел кој се на располагање.”

“Се шалев вчера со Пандев велејќи му дека ќе игра како лев бек. Очигледно е дека нема да игра но во тешки времиња играчите мораат да бидат припремени на се.”

Powered by: 24 FUDBAL.com.mk