СП 2014 | Лука Модриќ вели дека Хрватска сигурно ќе доживее неуспех доколку се повлече и се обидува само да се брани против Бразил...

Хрватска ја има честа да игра на отварањето на светското првенство против домаќинот Бразил.

Бразилците се големи фаворити во овој натпревар, но Коцкастите нема да се предадат пред време, ќе се обидат рамноправно да се носат со големиот противник.

„Помина долго време откако Хрватска одиграла голем натпревар како овој" - вели Лука Модриќ.

„Сите сме свесни за тоа колку Бразилците сакаат да имаат победнички старт во својата земја".

„Тие се фантастичен тим, Марсело, Тиаго Силва и Нејмар се тројца исклучителни фудбалери во нивната селекција".

„Тоа значи дека ќе треба да дишеме како еден на теренот бидејќи никој од нас не може да приреди засебно шоу против тим со таков квалитет".

„Ова ќе биде титанска битка на средината од теренот и ќе бидеме осудени на пропаст доколку го оставиме поседот на топка на противникот, се повлечеме и се обидуваме само да се браниме".

Извор: 24FUDBAL.com.mk