Германија | Според пишувањата на Bild, шампионот на Германија, Баерн Минхен ја продолжил соработката со Томас Милер и Филип Лам...



Во пресрет на светското првенство во Бразил, ’Баварците’ ја осигуруваат долгорочната иднина на двајца важни играчи.
 
Реномираниот германски весник Bild пренесува дека Томас Милер и Филип Лам добиле нови договори и во текот на денот најверојатно ќе пристигне официјална потврда.
 
Капитенот на Баерн ставил потпис на договор до 2018, додека пак Томас Милер, кој беше трансфер цел на Манчестер Јунајтед, се обврзал кон тимот од Алианц Арена до 2019.
 
Ваквите вести сигурно ќе стават крај на шпекулациите за трансфер на офанзивниот фудбалер од средниот ред на Олд Трафорд.
 
Се говореше дека Томас Милер е една од топ трансфер желбите на новиот менаџер на ’Црвените Ѓаволи’, Луј ван Гал.
 
Холанѓанецот одлично го познава репрезентативецот на ’Панцирите’, токму под негово водство Томас Милер дебитираше во првиот тим на ’Баварците’.

Извор: 24FUDBAL.com.mk