МЕНИ

Англија | Претседателот на Реал Сосиедад, Хокин Аперибај потврди дека ’Топџиите’ сакаат да го вратат Карлос Вела на Емирати Стадионот...

Мексиканецот потпиша за Арсенал во 2005, беше најавуван како голема надеж, но никогаш не успеа да се наметне во првиот тим и дури во четири наврати беше испратен на позајмица.

По една година на позајмица во Сан Себастијан, во 2012 тој направи перманентен трансфер во Реал Сосиедад, каде го покажа својот талент.

Минатата сезона Карлос Вела имаше голем број на импресивни партии, и зад своето име запиша 16 погодоци и 12 асистенции.

Па офанзивниот фудбалер сега одново е на радарот на ’Топџиите’ кои можат да стигнат до неговиот потпис за само 4 милиони евра благодарејќи на клаузулата која била вметната при продажбата пред две години.

„Арсенал не информираше дека го посакува играчот и ние мораме да размислиме на оваа тема” – вели претседателот на Реал Сосиедад, Хокин Аперибај.

„Во овој момент нема преговори, па тешко ми е да кажам дали зделката е во почетна или напредна фаза”.

„Игачот сака да остане тука, во Сан Себастијан, и тоа ни оди во полза”.

Самиот Карлос Вела неодамна истакна дека никогаш не уживал во престојот во Лондон, и изрази желба да остане во Баскија каде е среќен.

Арсенал пројавува интерес за уште еден играч на Реал Сосиедад, Антоан Гризман, и се шпекулира дека ’Топџиите’ сакаат да го искористат Карлос Вела за да го намалат обештетувањето од 30 милиони евра за талентираниот Французин.