Англија | Еден Азар вели дека нема да се пресели во ПСЖ ова лето, фудбалерот од средниот ред е во преговори со ’Сините’ за продолжување на договорот...



Изминативе недели често се шпекулираше за иднината на репрезентативецот на Белгија, играчот е трансфер желба на ПСЖ и се говореше дека ’Светците’ се подготвени да одвојат мало богатство за да стигнат до потписот на Еден Азар.
 
Во разговор за весникот La Derniere Heure, самиот Еден Азар ги демантира ваквите стории, вели дека нема да се пресели на Паркот на Принцовите и веќе започнал преговори со Челзи за продолжување на договорот.
 
„Нема да се преселам во ПСЖ” – рече новата ’10ка’ на тимот од Стемфорд Бриџ. „Останувам во Челзи, 100% сум сигурен”.
 
„Секако, во фудбалот никогаш не знаете што ќе се случи, но јас сум под договор со Челзи и сакам да останам тука”.
 
„Разговарам со лидерите на клубот за продолжување на договорот, но нема потреба од брзање”.
 
„Преговорите се во почетна фаза, но фактот дека Челзи ми понуди нов договор значи дека клубот има огромна доверба во моите квалитети и смета на мене”.
 
„ПСЖ никогаш лично до мене не доставил некаков предлог”.

Извор: 24FUDBAL.com.mk