СП 2014 | Жозе Мурињо вели дека бил блиску до селекторското столче на Англија, но го послушал советот на сопругата и не ја прифатил понудата...



Португалецот открива дека во 2007 година можел да стане селектор на Гордиот Албион, но го послушал советот на неговата сопруга.

„Во тоа време не можев да работам во друг англиски клуб поради мојот договор со Челзи. Не смеев да бидам тренер на друг англиски клуб во наредните две години, но можев да бидам селектор" - изјави Мурињо за Guardian.

„Лампард, Тери, Џо Кол, сите ми велеа 'дојди, дојди, дојди'. Моите фудбалери велеа 'Играчите на Манчестер Јунајтед и Ливерпул ни велат: Кажете му на вашиот тренер да дојде'. Имаше многу позитивни работи кои ми велеа дека треба да го направам тоа".

„Но мојата сопруга ми рече да не ја прифатам работата и беше во право. Правиме муабет за нешто што се случуваше пред седум години, и не можев како селектор да чекам две години за големо натпреварување. Не можев две години да играм против екипи како Казакстан и Сан Марино".

„Што да правам преку неделата? Можев да гледам како фудбалерите тренираат со нивните тимови, да побарам дозвола за да разговарам со нив".

„Требаше постојано да патувам и да ги гледам како напредуваат во своите клубови. На крајот жена ми ми рече: 'За тебе не е добро кога нема натпревари'".

„И беше во право, тоа не е работа за мене и сега и не мислам дека ќе биде уште најмалку седум години, а може и 15, кој знае".

Извор: 24FUDBAL.com.mk