МЕНИ

Германија | Марио Манџукиќ ја известил управата на Баерн Минхен дека сака да замине од Алианц Арена, напаѓачот вели дека не му одговара фудбалот што го преферира Пеп Гвардиола...

Во јануари ’Баварците’ потпишаа со Роберт Левандовски, па често се говореше за иднината на Марио Манџукиќ.

Од таборот на Баерн Минхен постојано велеа дека посакуваат да го задржат напаѓачот, но минатиот месец стана јасно дека неговите денови на Алианц Арена се одбројани по расправијата со тренерот Пеп Гвардиола во пресрет на финалето од Купот на Германија.

Самиот Марио Манџукиќ сега открива дека ја известил управата на Баерн Минхен дека сака да замине.

Напаѓачот исто така додава дека не му одговара фудбалот што го преферира Пеп Гвардиола.

„Многу работи беа напишани за мојот статус во Баерн” – вели Манџукиќ. „Особено пред финалето од Купот на Германија во Берлин”

„Можам да ви кажам дека пред овој натпревар, на 8. мај, заедно со мојот агент Иван Цвјетковиќ имав коректен разговор и размена на ставови со претседателот на клубот, Карл Хајнц Румениуге”.

„Во таа прилика му кажав дека сакам да ја променам средината, и дека е коректно за тоа да ги информирам лидерите на клубот”.

„Во Баерн ми беше фантастично. До неодамна не помислував за заминување, особено не дека ќе заминам сега. Но да бидам искрен, не ми одговара стилот на игра што Пеп Гвардиола сака да го имплементира во Баерн”.

„По првиот натпревар против Реал во Мадрид дефинитивно сфатив дека без разлика колку се трудам, во тој стил на игра, не можам да го дадам најдоброто од себе”.

„Поради ова, најдобро за сите е да се разделиме”.

„Му се заблагодарувам на клубот кој ми понуди продолжување на договорот, му се заблагодарувам на Гвардиола, које е голем тренер и на сите им посакувам се најдобро во иднина”.

„Баерн и неговите фанови секогаш ќе бидат најубавата приказна во мојата кариера”.

„Сега е време за нов предизвик”.

Манџукиќ не сака да го говори за тоа каде ќе ја продолжи кариерата, медиумите го поврзуваат со преселба во Премиер лигата, каде неколку клубови пројавуваат интерес за неговите услуги.