СП 2014 | Луис Суарез вели дека во ниту еден момент не стравувал дека поради повредата може да го пропушти Светското првенство во Бразил...



Поради повреда на коленото, на Луис Суарез му беше извршена мала операција, па настапот на напаѓачот во Бразил беше неизвесен.

Но, Суарез кој сега е во полн тренажен процес со репрезентацијата, вели дека бил уверен во настап на Светското првенство.

„Емоционално се чувствувам добро, психолошки се чувствувам спектакуларно" - изјави Суарез за Guardian.

„Ниту еднаш не почувствував притисок, ниту еднаш не се почувствував тажно бидејќи во ниту еден момент не помислив дека има било каква шанса да го пропуштам Светското првенство".

„Таква мисла никогаш не помина низ мојата глава. Можев да плачам поради повредата, но не го правев тоа бидејќи знаев. Знаев дека ќе бидам добар".

Уругвај се наоѓа во најтешката група на Светското првенство, заедно со Италија и Англија ќе се борат за пласман во 1/8 финалето.

Извор: 24FUDBAL.com.mk