Англија | Френк Лампард и Челзи ја потврдија разделбата, легендата на Сините заминува од Стемфорд Бриџ по 13 неверојатни години поминати во клубот...



Френк Лампард повеќе не е фудбалер на Челзи, легендарниот фудбалер на Сините го напушта Стемфорд Бриџ ова лето.

35-годишниот Лампард стана најдобар стрелец во историјата на Челзи, неговиот договор истече, а Жозе Мурињо одлучи дека не му е потребен за следната сезона.

„Кога пристигнав во овој фантастичен клуб пред 13 години не ни замислував дека би имал таква среќа да одиграм толку многу натпревари и да уживам во толку многу успех во овој клу. Челзи стана дел од мојот живот" - изјави Лампард.

„Благодарност до Роман Абрамович, човекот кој го спаси нашиот клуб и сите нас не однесе на нови нивоа".

„Сите менаџери и тренери кои ми помогнаа да ја развијам мојата игра за времето кое го поминав тука. Учев од секој од нив".

„Клубот ќе продолжи напред и како човек од Челзи немам сомнеж во квалитетите на фудбалерите кои се тука, тие ќе продолжат со успех кој сите го уживавме во изминатите сезони".

„Посебна благодарност до фановите на Челзи. Верувам дека тие се најдобрите фанови во светот на фудбалот".

„Ви благодарам за спомените и продолжете да создавате историја!".

Лампард заминува од Челзи како еден од најуспешните фудбалери на овој клуб, освои три титули во Премиер лигата, четири ФА Купа, два Лига Купа, Лига на Шампиони и Лига Европа.

Следната дестинација на Лампард најверојатно ќе биде новиот клуб во МЛС, Њујорк Сити ФК за кој синоќа потпиша Давид Виља.

Извор: 24FUDBAL.com.mk