СП 2014 | Селекторот на Германија, Јоаким Лев го објави списокот со 23. фудбалери кои ќе патуваат на мундијалот во Бразил...
По вчерашниот пријателски натпревар против Камерун, Јоаким Лев одлучи со кои сили ќе настапи на светското првенство.
Во Бразил, ’Панцирите’ ќе патуваат само со еден класичен напаѓач, откако голгетерот на Хофенхајм, Кевин Фоланд не се најде на конечниот список.
Место во авионот ќе нема ниту за левиот бек на Борусија Дортмунд, Марсел Шмелцер кој се мачи со ситна повреда, а од списокот е изоставен и дефанзивецот Шкодран Мустафи.
„Бев висхитен од начинот на кои сите играчи се покажаа на подготовките во Јужен Тирол” – рече Јоаким Лев. „Секој играч заврши одлична работа. Па многу ми ја отежнаа одлуката”.
„Секако дека Шкодран, Марсел и Кевин сега се многу разочарани, го разбирам тоа”.
„Заедно со Ханси Флик во лично интервју ги информиравме играчите за одлуката. Сигурен сум дека тројцата во нивните кариери ќе имаат нова шанса да заиграат на големо натпреварување”.
Составот на Германија за СП 2014:
Голмани: Мануел Нојер (Баерн Минхен), Роман Вајданфелер (Борусија Дортмунд), Рон Роберт Цилер (Хановер);
Одбрана: Жером Боатенг (Баерн Минхен), Ерик Дурм (Борусија Дортмунд), Кевин Гроскројц (Борусија Дортмунд), Бенедикт Ховедес (Шалке), Матс Хумелс (Борусија Дортмунд), Филип Лам (Баерн Минхен), Пер Мертесакер (Арсенал);
Среден ред: Јулиан Дракслер (Шалке), Матиас Гинтер (Фрајбург), Марио Геце (Баерн Минхен), Сами Кедира (Реал Мадрид), Тони Крос (Баерн Минхен), Томас Милер (Баерн Минхен), Месут Озил (Арсенал), Лукас Подолски (Арсенал), Марко Ројс (Борусија Дортмунд), Андре Шурле (Челзи), Бастијан Швајнштајгер (Баерн Минхен), Криштоф Крамер (Борусија Менхенгладбах);
Напад: Мирослав Клосе (Лацио)
Извор: 24FUDBAL.com.mk
