Англија | ’Црвените’ попладнево соопштија дека го комплетирале трансферот на напаѓачот Рики Ламберт од Саутемптон...



Сонот на Рики Ламберт се оствари, напаѓачот на 32 години доби прилика да го носи дресот на клубот за кој цел живот навива.
 
Како момче, тој поминал пет години во младинската школа на Ливерпул, но тогаш ’Црвените’ немала верба во неговите квалитети и во 1997 го отпуштиле.
 
Рики Ламберт потоа играл во неколку нисколигаши, еден период работел и во фабрика за конзервирање на цвекло, за во 2009 да потпише за Саутемптон, каде стана миленик на нививачите со одличните игри и големиот број на погодоци.
 
На 30 години, Рики Ламберт заигра во Премиер Лигата, на 31 го имаше дебито во репрезентацијата на Англија, а сега на 32 години доби шанса да го облече дресот на неговиот омилен клуб.
 
„Ливерпул е задоволен што може да соопшти дека го ангажираше Рики Ламберт од Саутемптон” – гласеше известувањето на тимот од Енфилд.
 
Детели од зделката не се откриваат, според медиумите трансферот е вреден околу 4 милиони фунти, а Рики Ламберт ставил потпис на двегодишен договор.
 
„Не можам да верувам” – беа првите зборови на напаѓачот. „Целиот живот навивам за овој клуб. Заминав пред 17 години, но никогаш не престанав да го сакам овој клуб”.
 
„Да потпишам за Ливерпул сега на 32 години, тешко е да се опише чувството“.
 
„Отсекогаш сонував да играм за Ливерпул, но мислев дека повеќе немам шанси да го облечам дресот на ’Црвените’. Не очекував дека ќе ми се укаже ваква прилика”.
 
„Бев шокиран кога слушнав дека Ливерпул ме посакува”.

Извор: 24FUDBAL.com.mk