Англија | Медиумите од ’Островото’ пренесуваат дека ’Црвените’ на Саутемптон му понудиле 25 милиони фунти за услугите на Адам Лалана и тоа ќе биде нивната последна понуда...



Ливерпул на почетокот од овој месец испрати понуда вредна 20 милиони фунти, но ’Светците’ ја одбија.
 
Се верува дека тимот од Сент Мери Стадионот бара 30 милиони фунти за фудбалерот од средниот ред, бидејќи дел од сумата, или поточно 25% треба да завршат на сметка на Бурнемаут, поранешниот клуб на Адам Лалана.
 
’Црвените’ не се подготвени да потрошат толкава сума но не се откажуваат од идејата да го ангажираат 26 годишниот репрезентативец на Англија.
 
Неколку весници од ’Островото’ денеска пренесоа дека тимот од Енфилд доставил нова понуда вредна 25 милиони фунти.
 
Ливерпул исто така ставил јасно до знаење дека ова е нивната последна понуда и побарале што поскоро да добијат одговор.
 
Во меѓувреме, 32 годишниот напаѓач Рики Ламберт утрово пристигна во Мерсисајд на лекарски прегледи.
 
Пред неколку дена Ливерпул и Саутемптон постигнаа договор за негов трансфер на Енфилд вреден околу 4 милиони фунти, плус уште неколку додатни во бонуси.

Извор: 24FUDBAL.com.mk