Италија | Пипо Инзаги вели дека е подготвен да го предводи првиот тим на Милан, но сеуште не знае дали клубот ќе му го понуди местото на Кларенс Сидорф...
Според италијанските медиуми, Кларенс Сидорф треба да биде разрешен од тренерската позиција, а неговото место да го завземе Филипо Инзаги.
Поранешниот напаѓач на Милан, а сегашен тренер на младинскиот тим, вели дека е подготвен за таа позиција, но сеуште не бил контактиран од раководството на клубот.
„Дали сум возбуден од она што го читам? Кој не би бил? Милан е мојот живот и моја приказна" - вели Инзаги за Milan Channel.
„Престанав да играм за Милан но правам се што ќе побараат тие. Ќе видиме што ќе се случи, јас сум вработен во Милан до 2016".
„Можев да заминам но сакав да останам бидејќи имам договор тука. Тоа е патот кој ќе го следам".
„Доколку дојдат некои добри вести за мене, тогаш одлично. Доколку не, со гордост ќе продолжам да бидам тренер на младинскиот тим".
„До сега не сум имал комуникација со раководството на оваа тема, читам само од медиумите".
„Вработен сум во Милан. Се разбира дека ќе бидам среќен доколку ми ја понудат работата, но доколку не, ќе останам тренер на младинскиот тим".
Извор: 24FUDBAL.com.mk
