МЕНИ

Англија | Десниот бек на Арсенал, Бакари Сања демантира дека веќе се договорил со Манчестер Сити...

Репрезентативецот на ’Триколорите’ е обврзан кон ’Топџиите’ до 30. јуни, преговорите за продолжување на соработката не вродија со плод, па Французинот е се поблиску до заминување од Емирати Стадионот.

Минатата недела се појавија стории кои велеа дека Бакари Сања имал средба со лидерите на Манчестер Сити и ги договорил условите за преселба во редовите на шампионот на Англија.

Сепак, самиот играч сега ги демантира ваквите стории.

„Не сум потпишам за никого, не сум се договорил со никого” – вели Сања.

„Медиумите од Англија ме преселија во Манчестер Сити, но не сум се договорил со нив, или со некој друг клуб”.

„Неколку клубови од Европа и Англија стапија во контакт со мене. Одредени преговори беа во напредна фаза, и можам да кажам дека токму такви се преговорите со Манчестер Сити”.

„Но во овој момент, сеуште сум играч на Арсенал. Би сакал мојата иднина да биде разрешена пред светското првенство, кон кое сум целосно фокусиран”.

И покрај тоа што сите во Арсенал сакаат Бакари Сања да остане, играчот вели дека за такво нешто има само 10% шанси.

„Денеска, би рекол дека шансите да заминам се 90% и 10% за да останам”.

„Долго времи си го поставувам ова прашање, и време е за нов предизвик”.

„Арсенал е извонреден клуб кој ми укажа шанса да пораснам, и како фудбалер и како човек”.

„Се работи за фамилијарен клуб, се чувствувам добро тука. Имав неколку добри години тука”.

„Одлично е што финиширав со триумф во ФА Купот. Клубот заслужува трофеј. Тоа е прилика да му се заблагодарам на Арсен Венгер, персоналот, сите луѓе во клубот, и секако, сите фанови кои ми даваа поддршка изминативе години, особено кога имав две сериозни повреди”.

„Што и да се случи, Арсенал ќе остане во моето срце”.