СП 2014 | Фудбалерот на Њукасл, Пол Дамет на Твитер доби смртни закани од бесни фанови на Уругвај поради повреда на Луис Суарез...



Поради повреда на менискусот, напаѓачот вчера мораше да замине под нож, ќе паузира неколку недели и е под знак прашалник за стартот на светското првенството.
 
Извештаите велеа дека Луис Суарез се повредил на еден тренинг на репрезентацијата на Уругвај, но ФФУ сугерираше дека играчот се повредил при судирот со Пол Дамет во последниот натпревар од сезоната на Ливерпул.
 
Во завршните минути од средбата против Њукасл на Енфилд, Дамет ненамерно го закачи напаѓачот и доби црвен картон, кој подоцна беше поништен.
 
Фановите на Уругвај веднаш го нападнаа фудбалерот на Њукасл на Твитер, а најжесток беше корисникот Федерико Гонзалез кој упати смртни закани.
 
„Здраво Пол Дамет, ние во Уругвај се надеваме дека еден ден ќе дојдеш тука за да поминеме малку убаво време. Имаме одредени работи за тебе, како куршум во твојата глава” – напиша Гонзалез.
 
Друг корисник, Кадена Чори му испрати порака: „Ќе те убиеме”.

Извор: 24FUDBAL.com.mk