МЕНИ

Англија | Агентот на Јаја Туре вели дека репрезентативецот на БСК не е во потрага на нов побогат договор туку на долгорочна иднина на Етихад Стадионот и можноста да стане тренер или директор...

Фудбалерот од средниот ред цела недела е во центарот на вниманието откако неговиот агент во понеделникот исткна дека Јаја Туре е разочаран од однесувањето на лидерите на клубот, па би можел да замине.

Проблем е тоа што ’Ѓраните’ не му го честитале роденденот на играчот, односно не му го честитале на соодветен начин.

Медиумите ваквите бизарни напади ги протолкуваа како обид на Димитри Селук да се избори за нов побогат договор за неговиот клиент.

Агентот го негира ова, во разговор со Sky Sports News тој вели дека Јаја Туре е во потрага на повеќе внимание а не пари.

„Не сакаме повеќе пари, ниту подолг договор, ништо вакво. Сакаме само право внимание” – вели Селук.

„Бараме повеќе внимание да му се посвети на Јаја, и Јаја мора да се чувствува среќен во клубот, тоа е најважно”.

„Ќе ви повторам уште еднаш, не ни е потребна ниту една фунта повеќе во договорот”.

Репрезентативецот на БСК со задоволство ќе остане доколку му биде ветена улога на тренер или спортски директор откако ќе стави крај на кариерата.

„Секако. Како што Реал Мадрид направи со Зинедин Зидан на пример. По крајот на кариерата, Зидан почна да работи за клубот”.

„На Јаја му е потребен клубот и во иднина”.

Селук потоа одново му замери на Манчестер Сити за начинот на кој шампионот на Англија му го честитал роденденот на Јаја Туре.

„Секако дека некои играчи му го честитаа роденденот, но тоа не го стори спортскиот директор, ниту генералниот директор, ниту претседателот, никој”.

„Менаџерот? Не, никој”.

„Ова е проблемот. Доколку не му честитате на играчот, или пак не испратите цвеќе на неговата сопруга или мајка, ова се само мали работи”.