Англија | Според пишувањата на францускиот весник L’Equipe, десниот бек на Арсенал, Бакари Сања се договорил со Манчестер Сити...
Репрезентативецот на ’Триколорите’ е обврзан кон ’Топџиите’ до 30. јуни, двете страни подолго време водеа преговори за продолжување на соработката но не успеаа да постигнат согласност.
Голем број на клубови пројавија интерес за услугите на Бакари Сања, помеѓу кои Интер, Галатасарај, ПСЖ, Монако и Манчестер Сити.
Последните извештаи велат дека трката за потписот на десниот бек ја добил новиот шампион на Англија.
Денешното издание на L’Equipe вели дека Бакари Сања во понеделникот имал средба со лидерите на Манчестер Сити и постигнал договор за преселба на Етихад Стадионот.
Се говори дека фудбалерот ќе добие три годишен договор и неделна плата помеѓу 140-150 000 фунти.
Арсенал најверојатно ќе го замени Бакари Сања со Серж Орие од Тулуз.
Извор: 24FUDBAL.com.mk
