Според агентот на Немања Видиќ, Паоло Фабри преселба во Реал Мадрид во зимскиот трансфер период не е на агендата

Во последните неколку дена се погласни се шпекулациите за заминување на Немања Видиќ од Манчестер Јунајтед и преселба во Реал Мадрид.

Се верува дека дефанзивецот веќе не е во најдобар однос со Сер Алекс Фергусон откако Видиќ во пресрет на дуелот со Лидс во ФА Купот беше повлечен од тимот поради мистериозна повреда.

Сепак агентот на српскиот интернационалец во интервју за ESPN Soccernet вели дека не е запознаен со желбата на играчот да го напушти Олд Трафорд и да се пресели во Реал Мадрид.

“Мислам дека тој нема да замине во јануари.” – Фабри рече за ESPN Soccernet. “Освен некое големо изненадување во моментов не гледам некое решени за тој да го напушти тимот.”

“Мислам дека тоа нема да се случи.”

На прашањето дали Видиќ е несреќен на Олд Трафорд, Фабри рече: “Не знам ништо за тоа.”

“Последниот пат кога разговаравме тој беше среќен. Немам разговарано со него по поразот (со Лидс) од пред неколку дена.”

Powered by: 24 FUDBAL.com.mk