Стратегот на Рома, Клаудио Раниери ќе го има Лука Тони на располагање за утрешниот дуел со Каљари но не и капитенот Франческо Тоти

Тони пристигна во Рома на позајмица до крајот на сезоната и за очекување е напаѓачот да го има своето деби за Римската Волчица веќе на утрешниот дуел со Каљари.

“Тони работеше напорно.” – рече Раниери на денешната прес-конференција.

“Тој е оружје кое што мораме да го искористиме до крајот на сезоната. Тони е напаѓач кој е мног опасен во шеснаесетникот во играта со глава и има огромно искуство.”

Раниери не сакаше да каже дали Тони ќе биде стартер на дуелот но сигурно е дека капитенот Франческо Тоти нема да биде во комбинација.

“Отсуството на Тоти е клучно. Се надевам дека ќе се опорави што е можно побрзо.”

“Франческо на тимот му дава сила од аспект на тактичко ниво како и ментален аспект.”

Раниери исто така предупреди дека пред нив се наоѓа клучен месец и додаде дека очекува Тоти да се врати веќе во сабота додека пак враќањето на Филип Мексес сеуште не е точно утврдено.

Powered by: 24 FUDBAL.com.mk