Англија | Самуел Ето ја продолжува медиумската војна со Жозе Мурињо, Камерунецот сега го нарече марионета менаџерот на Челзи...



Напаѓачот е под договор со ’Сините’ до 30. јуни и станува се појасно дека неговата авантура на Стемфорд Бриџ веќе е завршена.
 
Минатата недела Самуел Ето го нарече Жозе Мурињо идиот за коментарите на ’Специјалниот’ со кои беше ставен сомнеж врз вистинската бројка на годините на Камерунецот.
 
Напаѓачот сега упати нов напад кон менаџерот на Челзи, и во разговор со CAF  тој вели: „Спротивно на она што го рече една марионета за моите години, сеуште сум физички фит”.
 
„На 33 години, се чувствувам навистина добро. Докажав дека можам да бидам подобар од младите играчи”.
 
„Исто така сакам да нагласам дека нема да се преселам во САД или Средниот Исток”.
 
„Ќе продолжам да играм на највиско ниво, ќе продолжам да играм во Лигата на Шампионите. Мојата романса со ова натпреварување е далеку од завршена”.
 
„Нема да ви кажам каде, но ќе играм на највисоко ниво”.
 
„Имам 33 години и ќе играм на уште две Светски Првенства. Некои имаат играно на 41 година, па ќе продолжам”.

Извор: 24FUDBAL.com.mk