Англија | Левиот бек на Челзи, Ешли Кол преку својот твитер профил потврди дека заминува од Стемфорд Бриџ...



33-годишниот фудбалер следната сезона ќе настапува за нов клуб, Ешли Кол нема да го продолжи договорот со Челзи, како слободен фудбалер ќе замине во нова средина.
 
Кол кој претходно се пензионираше од репрезентацијата на Англија, го загуби првотимскиот статус во Челзи, па со оглед на неговата возраст и истекот на неговиот договор, неговата разделба со Сините беше очекувана.
 
Со неколку твита, Ешли Кол преку својот профил објави дека заминува од Челзи и им се заблагодари на фановите и сите во клубот.
 
„Му благодарам на Челзи за осумте години поминати тука, беше задоволство да се работи со сите стручни штабови и фудбалери, заедно поминавме многу, и лошо и добро" - напиша Ешли Кол.
 
„Се разбира тука се и фановите на кои можам само да им се заблагодарам за довербата која ја имаа во момците и поддршката која ни помогна да освоиме неколку големи трофеи".
 
„И овој твит е за фановите кои застанаа зад мене и кога ми беше најтешко, секогаш ќе бидат во моето срце".
 
„Сега ќе свртам ново поглавје во мојот живот и се надевам дека тоа ќе биде како и другите, полно со забава и се разбира освојување на некои трофеи".

Извор: 24FUDBAL.com.mk