МЕНИ

СП 2014 | Селекторот на Португалија, Пауло Бенто го соопшти конечниот список со 23. фудбалери кои ќе патуваат на мундијалот во Бразил...

Минатата недела беше објавен провизорниот состав со 30 фудбалери, а Пауло Бенто имаше рок до 2. јуни да го достави конечниот список на играчи кои ќе настапат на Светското Првенство.

Сепак, селекторот на Португалија не чекаше премногу, и вчера ги откри адутите за мундијалот во Бразил.

Најзвучното име што отпадна од листата е Рикардо Кварезма, кој прикажа добри игри во дресот на Порто во вториот дел од сезоната.

За Бразил нема да патува ниту голманот на Лион, Антони Лопез, дефанзивците Антунес и Роландо, фудбалерите од средниот ред Андре Гомез и Жоао Марио како и напаѓачот Иван Кавалеиро.

Португалија својата авантура на мундијалот ја започнува на 15. јуни против Германија во дерби пресемтката на Групата Г.

Пред почетокот на Светското Првенство, избраниците на Пауло Бенто ќе одиграат две контролни средби, против Мексико на 6. јуни во Масачусец и против Ирска на 10. јуни во Њу Џерси.

Составот на Португалија за СП 2014:

Голмани: Бето (Севиљ), Едуардо (Брага), Руи Патрисио (Спортинг);

Одбрана: Андре Алмеида (Бенфика), Бруно Алвес (Фенербахче), Фабио Коентрао (Реал Мадрид), Жоао Переира (Валенсија), Нето (Зенит), Пепе (Реал Мадрид), Рикардо Коста (Валенсија);

Среден ред: Жоао Мутињо (Монако), Мигел Велосо (Динамо Киев), Раул Меирелеш (Фенербахче), Рубен Аморим (Бенфика), Вилијам Карваљо (Спортинг), Рафа (Брага);

Напад: Кристијано Роналдо (Реал Мадрид), Едер (Брага), Хелдер Постига (Лацио), Хуго Алмеида (Бешикташ), Нани (Манчестер Јунајтед), Силвестре Валера (Порто), Виериња (Волфзбург).