Екипата на Интер со соопштение на својата официјална веб страна го потврди трансферот на Горан Пандев кој стави потпис на договор со трајност до 2014...

Конечно Горан Пандев е играч на Интер!!! Македонскиот интернационалец се поврзуваше со преселба на Џузепе Меаца уште изминатото лето но дури ова зимо успеа да го облече дресот на Интер.

Лотито одби да го продаде Пандев во август но по судски пат на 23 декември напаѓачот се избори за раскин на договорот по што слободно можеше да потпише за својот нов клуб.

Многу клубови доставија понуда до напаѓачот но Горан се одлучи да се врати во клубот кој го донесе во Италија и стави потпис на договорот со шампионот на Италија.

Како што веќе објавивме, Пандев утрово стави потпис на договор со Интер со трајност до јуни 2014 и само еден час подоцна Нероаѕурите на својата веб страна го потврдија ангажманот на Македонецот.

“Екипата на Интер сака да соопшти дека Горан Пандев е наш нов фудбалер. На заедничко задоволство играчот стави потпис на договор со трајност до 30 јуни 2014.” – гласеше соопштението на официјалната веб страна на Интер.

“Договорот е доставен до Лига Калчо.”

“Пандев ќе го носи дресот со бројот 27.”

“Презентацијата на играчот пред медиумите е закажан по дуелот со Киево, кој се игра во среда.“

Powered by: 24 FUDBAL.com.mk