СП 2014 | Аргентинската ѕвезда, Лео Меси вели дека му годат споредбите со Марадона, но смета дека додека не освои Светско првенство, не може да биде голем колку Диего...



Меси има одличен успех на клупско ниво поради кој четири пати по ред ја добиваше Златната Топка, но Марадона е оној кој и има дадено повеќе на Аргентина.
 
Лео Меси вели дека не може да биде споредуван со Марадона додека не и го донесе на Аргентина најголемиот трофеј, но се надева дека тоа ќе го направи уште ова лето.
 
„Споредбите со Марадона се многу убав комплимент за мене, но не сеуште не можам да ги прифатам" - вели Меси.
 
„Тој има направено многу за националниот тим и мислам дека ниту еден фудбалер не може да биде вистински голем додека не освои Светско првенство".
 
„Се надевам дека јас ќе го направам тоа уште ова лето, но додека не го сторам тоа, не треба за мене да се зборува дека сум најдобар".
 
„Секогаш е убаво да се слушне како луѓето зборуваат убави работи за вас и за вашата игра, но од секогаш сум велел дека кога ќе се пензионирам ќе погледнам назад за да видам што сум освоил".
 
„Сега само се обидувам постојано да напредувам и да освојувам трофеи со Барселона и Аргентина".

Извор: 24FUDBAL.com.mk