МЕНИ

Лига Европа | Тренерот на Севиља, Унаи Емери вели дека објективно гледано Бенфика е фаворит во финалето од Лига Европа, но тие ќе го дадат максимумот за триумф во најмасовното европско натпреварување...

’Андалузијците’ својата авантура во Лига Европа ја започнаа на 1. август минатата година, и Унари Емери вели дека тие постојано сонувале за настап на завршницата во Торино.

„Нашето патување беше долго но во исто време прекрасно и бесценето” – рече тренерот на Севиља на прес конференцијата. „Тоа кулминира сега. Од првиот ден сонувавме за овој натпревар во Торино”.

„Сакаме да победиме, но сезоната во секој случај ќе биде успешна. Започнавме на 1. август, искусивме најразлични ситуации и поминавме преку многу препреки. Ќе видиме како ќе одговориме на поседниот натпревар”.

„Не се работи за двомеч, се работи за финале. Се работи за 90 минути, ќе победиме или ние или тие”.

„Ова е последниот предизвик со кој се соочуваме. Ќе биде прекрасно доколку финишираме со трофеј“.

„Го почитуваме нашиот противник, и мислам дека и Севиља и Бенфика сосема заслужено се во финале”.

„Да бидам фер, Јувентус беше најголемиот фаворит, а Бенфика ја елиминираше ’Старата Дама’. Па, доколку сум објективен, Бенфика сега е фаворит“.

„Но тоа не значи дека ние сме се откажале и не веруваме дека можеме да ги победиме”.